Samgöngur.is - Vefur um samgöngur á Íslandi

Vefur Vegagerðarinnar, www.vegag.is | 03.04.2009

Mun minni umferð í mars 2009 en undanfarin ár - minni núna en í mars 2005

Umferðin á þjóðvegum landsins, mæld á 16 völdum talningarstöðum á Hringvegi, var mun minni í mars 2009 en í sama mánuði árin á undan. Umferðin á þessu stöðum er nærri 15 prósentum minni í mars í ár en í mars í fyrra. Hér gæti þó spilað inn í að páskar voru í fyrra í mars en eru í apríl núna. Umferðin í mars 2009 minnkar það mikið að hún er minni en hún var í mars 2005.

Fyrstu þrjá mánuði ársins 2009 hefur umferð á þessum talningarstöðum dregist saman um 3,3 prósent. Betri samanburður ætti að fást að aprílmánuði liðnum.

Frekari greining og myndir af þróun umferðar 2005 - 2009

Tölur á 16 völdum talningastöðum á Hringveginum

Tímabilið janúar til mars, fyrir árin 2008 og 2009 (þ.e samtals 3 mánuðir hvort ár), lítur svona út.

Suðurland +1,9%

Höfðuborgarsvæðið -2,3%

Vesturland -4,4%

Norðurland -13,2%

Austurland -12,6%

Samtals, á öllu landinu fyrir áðurnefnt tímabil og talningarstaði, hefur akstur dregist saman um -3,3%.

Sé bara horft til mars mánaða 2008 og 2009 (þ.e. til 1 mánaðar hvort ár), lítur dæmið svona út:

Suðurland -11,5%

Höfðuborgarsvæðið -9,7%

Vesturland -17,8%

Norðurland -19,7%

Austurland -19,0%

Samtals, á öllu landinu fyrir áðurnefnt tímabil og talningarstaði, hefur akstur dregist saman um -14,8%.

Sjá má á grafi um heildarakstur að akstur í mars mánuði 2009 er minni en í mars 2005, sem verður að teljast þó nokkur minnkun.

Á grafi um uppsafnaðan akstur 3 fyrstu mánuði 2009 er á svipaður og sambærilegt tímabil fyrir þremur árum eða árið 2006.

Það skal þó haft í huga hér að páskar voru í mars 2005 og 2008 en í apríl 2006, 2007 og 2009. Því eigum við eftir að sjá miklar sveiflur milli apríl og mars mánaða. Uppsöfnuð umferð verður meira marktæk þegar apríl umferð 2009 liggur fyrir.

_{Frekari upplýsingar veitir Friðleifur I. Brynjarsson í fib@vegagerdin.iseða í síma 522-1817}

 

 

Mismunur á akstri milli ára í sömu mánuðum

 

---

Orðrétt heimild og myndir:  Frétt á vef Vegagerðarinnar, www.vegag.is
Til baka | Prenta