Samgöngur.is - Vefur um samgöngur á Íslandi

Fyrsti rafknúni jeppinn sem komið hefur hingað til lands, var afhentur í dag. Bíllinn verður prófaður hér næstu misserin, en hann er eini sinnar tegundar í heiminum.

Jeppinn var einu sinni venjulegur Ford Explorer en undir húddinu er núna vetnisrafall, og síðan eru það tveir rafmótorar sem skila bílnum áfram, hátt í þrjú hundruð kílómetra, segja þeir sem standa að verkefninu. Bílinn verður hérna til ársloka 2010. Jakob S. Friðriksson, stjórnarformaður Íslenskrar nýorku segir á áætlun að dreifa bílnum til stórfyrirtækja sem notað hafa vetnisbíla undanfarið. Rannsaka á hvernig bíllinn eyðir vetni og hvernig hann virkar í umferðinni hér á landi um vetur. Jakob segir að ef marka megi yfirlýsingar framleiðanda jeppans gæti hugsast að hann komi á markað eftir fjögur til sex ár því enn sé hann of dýr til fjöldaframleiðslu. Össur Skarphéðinsson, iðnaðarráðherra prufukeyrði bílinn í dag og leyst vel á gripinn. Hann sagði bílinn vera byltingu í samgöngum á Íslandi.

Orðrétt heimild:  Frétt á vef Ríkisútvarpsins, www.ruv.is